A su mere coloniale aberimus trumba 'e fogu, ca donzi die custos
falant in Sardigna, e a s'afferra afferra si serran' atteras tancas, donzi
die meres pesan atteru muru pro fagher chi su populu no los potada
brincare.Si creene in domo issoro, tottu s'ana serradu, si kerese passare
los depes preguntare, arga de onzi tipu ainnoghe est'arrivada, sa razza
compradora no a' giradu 'e biku, su chi no serran' issoso si serrada sa
NATO.
Est'ora 'e la gabbare chin cust'istoria ezza,
A FORA SA NATO,
chi lassede
su terrinu, su populu istranzu no este unu nemigu; nemigos sun sos meres
chi innoghe e in su mundu cun sambene e suore an fattu atteru muru !
A FORA S'AGACANE
e su chi li gira' tundu, già ti ses pagadu ene in
barantannos de invasione!
Trekentamizza sardos kenza unu tribagliu, este su regalu a s'istorica
colonia, e chie però tribagliada, zertu no si campada o de tribagliu
moridi. No si podet pius campare dae su suore dei sa fronte, babbos bezzos
mannos chin sa criaduras umpare chircana su pane, intantu pagos meres si
crepana in sa banca. Iscuru, malefadadu su poveru chi pessada d' esser'
riccu e a su riccu pianghede cando custu moridi.
Trekentamizza sardos no ana itte manigare. Bos naran chi su mundu es'
diventadu gai, chi chie ada podede e chie nò no balede. No pessede su
poveru de diventare riccu, es' lezze 'ei sa natura, no si podede pius de
gai, ma però di podede, partire sa ricchesa! leamus a issos tottu pro lu
torrare a tottu! si no si agattada riccu, mancada su poveru!